सिस्नेरी पहिरोमा ढुङ्गा खस्दा गाडी कुच्चियो, एकजना घाइते

342

१२ साउन, सोलुखुम्बु । सोलुखुम्बुको सिस्नेरी पहिरोले सोमबार एउटा गाडीमा क्षति पुर्याएको छ । सोलुखुम्बुबाट काठ्माण्डौ तर्फ गई रहेको बा १७ च ६९३५ स्करपियोमा माथिबाट खसेको ढुङ्गा लागी क्षति पुगेको प्रहरीले जनाएको छ ।

सोमबार बिहान करिब साँढे ११ बजेतिर पहिरोको बिचमा पुगेको गाडीमा एक्कासी माथिबाट ढुङ्गा खसेर लागेपछि भाग्ने क्रममा एकजना सामान्य घाईते भएका छन् । जिल्ला प्रहरी कार्यालय, सोलुखुम्बुका अनुसार गाडीमा सवार ४ जना मध्ये काठ्माण्डौ निवासी ४२ बर्षिय डिबी शेर्पा घाईत भएका हुन् । पहिरोबाट खसेको ढुङ्गा लागेर गाडीको माथिल्लो भाग र साईडमा क्षति पुगेको छ । सामान्य घाईते शेर्पा सहित अन्य पुनः काठ्माण्डौ तर्फ लागेका छन् ।


सोलुखुम्बु जोड्ने एक मात्र मुख्य सडक निर्माण भएदेखि नै सोलुदुधकुण्ड नगरपालिका वडा नंं. ११ मा पर्ने सिस्नेरीमा बर्षायाममा प्रत्येक बर्ष ठुलो पहिरो जाँदै आएको छ । बर्षेणी लाखौंको क्षति पुर्याउँदै आएको सो सडकको बिकल्पका बिषयमा छलफल भएपनि ठोस निर्णय भने भएको पाईदैन । यस बर्ष पनि अघिल्लो साता २ दिनसम्म पहिरोका कारण सवारी आवतजावत पुर्ण रुपमा ठप्प भएको थियो ।

 

जवाफ फर्काउनुहोस

प्रतिक्रिया लेख्नुहोस
तपाईंको नाम