इजरायलका प्रधानमन्त्री आइसोलेसनमा

47

१७ चैत, काठमाडौं । कोरोना भाइरसको संक्रमणमा इजरायलका प्रधानमन्त्री बेन्जामिन नेतान्याहू समेत परेका छन् । कोरोना भाइरस (कोभिड -१९) संक्रमणको आशंका देखिएपछि उनी आइसोलेसनमा बस्ने भएका छन् । सल्लाहकार रिभ्का पाउकलाई कोरोना भाइरसको संक्रमण पुष्टि भएसँगै नेतान्याहू पनि आइसोलेसन बस्ने भएका हुन् । स्थानीय सञ्चारमाध्यमहरुले दिएको जानकारी अनुसार नेतान्याहूले स्वास्थ्य मन्त्रालयको निर्देशनलाई पूर्णरुपमा पालना गर्नेछन् ।

इजरायली प्रधानमन्त्री दुई हप्तासम्म आइसोलेसनमा बस्न सक्ने जानकारी दिइएको छ । पाउक गत साता संसदमा नेतान्याहूसँगै उपस्थित भएका थिए । इजरायलमा अहिलेसम्म कोरोना भाइरसको ४ हजार २४७ संक्रमित भेटिएको छ भने १५ जनाको मृत्यु भइसकेको छ ।

जवाफ फर्काउनुहोस

प्रतिक्रिया लेख्नुहोस
तपाईंको नाम