आफ्नै आमालाई दिदि बनाइ सेटिङमा नागरिकता । स्कुल बनाउन गैर कानुनी ठेक्का दिदा ११ लाख झ्वाम – SIDHA KURA JANATA SANGA

76

१. विव्यस अध्यक्षका श्रीमानले पाए विद्यालय बनाउने जिम्मा, ११ लाख गायब !

मेलम्ची । सामुदायिक विद्यालयमा विद्यालय व्यवस्थापन समिति गठन गर्न ठूलै राजनीति हुन्छ ।
विद्यालय व्यवस्थापन समितिमा बस्न मान्छे किन राजनीति गर्छन् ? भन्ने उदाहरण सिन्धुपाल्चोकको मेलम्ची नगरपालिका–११ कटुन्जेस्थित जन जागृती माविमा देखिएको छ ।

भूकम्पपछि विद्यालयको ८ कोठे भवन पुन निर्माणका लागि जिल्ला शिक्षा एकाई मार्फत ९६ लाख रुपैयाँ बजेट निकासा भयो ।

शिक्षा नियमावली अनुसार शिक्षा एकाई मार्फत भवन निर्माण गर्न लागि गएको बजेटमा विद्यालय व्यवस्थापन समिति र विद्यालय प्रशासनले नै बनाउनुपर्छ ।

२. वडा कार्यालयले गाई-भैंसी मरेको पनि शुल्क उठाउछ !

नवलपरासी । नवलपरासी सुस्ता पूर्वमा पर्ने कावासोती नगरपालिका–१४ का ध्रुब कुमार श्रेष्ठको गाई मरेपछि इन्स्योरेन्सको पैसा दाबी गर्न गए ।

इन्स्योरेन्स कम्पनीले वडा कार्यालयको सिफारिस आवश्यक पर्ने बतायो । त्यसपछि उनी सिफारिसको लागि वडा कार्यालय पुगे ।

उनलाई वडा कार्यालयले सिफारिस त बनाइदियो तर, त्यसबापत नगरपालिकाले १५ सय रुपैयाँ लियो । गाई मरेको सिफरिसको पनि त्यति धेरै शुल्क लिएपछि श्रेष्ठ अचम्ममा परे ।

त्यस्तै कावासोती–१४ कै संगीता तिमिल्सिनासँग पनि भैँसी मरेको सिफारिस बनाए बापत वडा कार्यालयले १२ सय रुपैयाँ लिएको छ ।

३. झुटो विवरण भएको नागरिकताले आमालाई दिदी बनाइदियो

गोरखा । नागरिकतामा बाबुको नाम अनिवार्य गर्नुपर्ने प्रचलित नियमका कारण गोरखाका सबिन परियारले आफ्नै आमालाई नातामा दिदी भन्नुपर्ने अवस्था सिर्जना भएको छ ।

सविनका अनुसार २०४२ सालमा गोरखाको साविक धावा डाँडाका स्थानीय गोपी पुडासैनी र स्थानीय चेपा दमिनीको सम्बन्धबाट बच्चा जन्मिए पनि पुडासैनीको घरमा अस्वीकार गरेका कारण चेपा दमिनी छुट्टै बस्दै आएक थिइन् ।

सबिन १६ बर्षको पुगेपछि २०६० सालमा गोपी पुडासैनीले आर्मीमा जागिर खानुपर्छ भन्दै जिल्ला प्रशासन कार्यालय गोरखामा लगेर नागरिकता बनाइदिए ।

तर, उक्त समयमा सेटिङ मिलाएर बाबुको नाममा उल्लेख गर्नुपर्ने स्थानमा उनका हजुरबाबुको नामनै उल्लेख गरिएको रहेछ ।

जवाफ फर्काउनुहोस

प्रतिक्रिया लेख्नुहोस
तपाईंको नाम