दुई सातापछि प्रधानमन्त्री ओलीको मृगौला प्रत्यारोपण गराउने तयारी

7

एपेन्डिसाइटिसको अप्रेशन गरेर अस्पतालमै आराम गरिरहेका प्रधानमन्त्री ओलीको मृगौला रि-ट्रान्सप्लान्ट गराउने निश्कर्षमा नेकपाका नेताहरु पुगेका छन् । तर, मृगौला प्रत्यारोपणका लागि विदेश लैजाने कि नेपालमै गराउने भन्ने विषयमा भने निर्णय भइनसकेको नेकपा स्रोतले बतायो ।

‘गत मंगलबार एपेन्डिसाइटिसको शल्यक्रिया गरेको हुनाले अब डेढरदुई सातासम्म प्रधानमन्त्रीले बेडकै आराम गर्नुहुनेछ । त्यसबेलासम्म होमोडाइलासिसबाटै काम चलाइनेछ’ नेकपा सोतले भन्यो, ‘त्यसपछि मृगौला पुनःप्रत्यारोपण गर्नुपर्ने चिकित्सकहरुको सुझाव छ । तर, स्वदेशमै गर्ने कि विदेश लैजाने भन्नेमा डाक्टरहरु अझै छलफलमै छन् ।’

केही चिकित्सकले यहाँ रिस्क नमोलौं, विदेशमै लैजाऔं भनिरहेको र केहीले चाहिँ बरु विदेशबाट चिकित्सकलाई यतै बोलाएर नेपालमै रि-ट्रान्सप्लान्ट गरौं भनिरहेको जानकारी दिँदै स्रोतले भन्यो, ‘यसबारेमा अझै ठोस निर्णय भएको छैन, अझै डेढ(दुई सातासम्म प्रधानमन्त्रीले अस्पतालमै आराम गर्नुपर्ने स्थिति छ ।’

प्रधानमन्त्री ओलीले सोमबार एक भिडियो सन्देशमार्फत आफ्नो स्वास्थ्यमा सुधार भइरहेको र बोल्न, समाचारहरु पढ्न सक्ने अवस्थामा रहेको बताएका छन् । अस्पतालबाट दिएको सन्देशमा प्रधानमन्त्रीले भनेका छन्,( ‘मेजर अपरेशनपछि पनि म उठेर बोल्न सक्ने, साथीहरुसँग कुरा गर्न सक्ने अवस्थामा छु, समाचारहरु हेर्न सक्ने अवस्थामा छु ।’

प्रधानमन्त्रीले आफ्नो स्वास्थ्य अवस्थाबारे अस्पतालबाटै दिएको सन्देशमा भनेका छन्, ‘इन्फेक्सन भएको हुनाले त्यो इन्फेक्सनलाई पनि हटाउनुपर्‍यो । त्यसकारण उपचारका क्रममा हप्तारदश दिन लाग्ने भयो । तर, मेरो स्वास्थ्य राम्ररी सुधार भइराख्या छ ।’ अनलाइनखबरबाट

जवाफ फर्काउनुहोस

प्रतिक्रिया लेख्नुहोस
तपाईंको नाम