आज मन्त्रिपरिषद पुनर्गठन नहुने

15

काठमाडौं। प्रधानमन्त्री केपी ओलीले मन्त्रिपरिषद पुनर्गठन गर्ने तयारी गरेपनि त्यो विषयमा राष्ट्रपति कार्यालय शितल निवासलाई त्यसबारेमा जानकारी गराइएको छैन। सोमबार साढे तीन बजेसम्म मन्त्रिपरिषद पुनर्गठनको कुनै जानकारी नआएको राष्ट्रपति कार्यालय शितल निवास स्रोतले जनाएको छ। ‘बालुवाटारमा मन्त्रिपरिषद पुनर्गठनको चर्चा भएपनि त्यो विषयमा राष्ट्रपति कार्यालयमा कुनै जानकारी आएको छैन,’ शितल निवास स्रोतले भन्यो, ‘सोमबार मन्त्रिपरिषद विस्तार पुनर्गठन हुने संभावना देखिँदैन।’

नयाँ मन्त्रीलाई राष्ट्रपतिले सपथ ग्रहण गराउने संवैधानिक व्यवस्था छ। नयाँ मन्त्री नियुक्त गर्दा त्यसको जानकारी राष्ट्रपति कार्यालयलाई दिनुपर्छ। तर सोमबार अपरान्हसम्म नयाँ मन्त्रीलाई नियुक्त गर्ने विषयमा प्रधानमन्त्री कार्यालयबाट कुनै जानकारी नआएको शितल निवास स्रोतले जनाएको छ।

प्रधानमन्त्री ओलीले कमजोर कार्यसम्पादन भएका केही मन्त्रीलाई परिवर्तन गरी सक्षम र योग्यलाई मन्त्री बनाउने तयारी गरेका छन्। सोमबार अर्का अध्यक्ष प्रचण्डसँग छलफल गरी नयाँ मन्त्रीको टुंगो लगाउने बताइएको छ।

जवाफ फर्काउनुहोस

प्रतिक्रिया लेख्नुहोस
तपाईंको नाम